話說我十二月已經收到 Student Residence 既 offer，住新 Hall – Hall 10 低層望山，由 3 號開始住 hall，住到今日都無返過屋企訓一晚。

首先講講裝修先，相對舊 Hall 裝修完全唔同層次，床大張啲，枱大張啲，房又大啲。全部新，廁所、Common Room、走廊都靚啲。最特別莫過於我地個 Common Room，Common Room 有兩層樓高，我地呢層既走廊可以望到下一層既 Common Room，例如 10 樓可以望到 9 樓 common，9 望 8，如此類推．而雙數層望 campus，單數層望山／CMC。

講環境，一定無 Hall 4 5 6 7 無敵靚景架啦，始終我地都係望住 campus。但係 11 樓至 14 樓望 campus 個景完全唔可以講笑，又係好靚，14 樓仲可以比美 Hall 4 低層。Hall 11 最晒料，部 lift 對住個無敵美景，就算係 Hall Master 同所有宿生都無機會對住無敵景．

但係好多奇怪問題，例如房去廁所既門係趟門，無得鎖（CityU Hall 個廁所係兩間房共用）。廁所同沖涼房無抽氣 )…同埋隔音好差．有時 common 嘈少少好遠都聽到．同埋呢頭先講過走廊可以望到下一層既 common，所以呢四樓打邊爐十樓都可以聞到陣香味，或者六樓大嗌可以十樓都聽到．

自從住咗 Hall，識咗好多新朋友，由人院、CB，到 SCM，本身既 CSE 都唔少。最早訓都講緊一點鐘，日日唔係煮飯仔就打邊爐、整甜品；三國殺同 Deal 都係住 hall 後立即煉成。幾好玩

無住過 hall 唔算讀完大學，我深切體會

但係………我既 GPA 應該直插

遲咗

今日係城大出 GPA 既日子，淨計 CS 既科除咗科 Discrete Mathematics 外，全部 A+，Discrete Math A-，GPA 4.11。之不過 French 1 都未出分，如果保到 A- 的話 GPA 都過 4