繼上次石蔭、和宜合同梨木樹之後，今次就葵盛圍。

响深水埗行下行下諗起葵涌有個葵盛圍好耐無去，所以就坐 37 號出發，一直坐到總站落車。

落車既地點係葵盛西邨。呢條邨都幾古舊下，比澤安邨、石硤尾邨既更故舊。佢個商場設計奇奇怪怪，入咗去無得出返來。行下行下呢條邨都幾得意，都唔少既升降機塔連接葵盛西邨唔同既部份，但係都係好舊啦。

落咗去葵盛圍行，向大窩口方向行下行下行到葵盛東邨既盛國樓，之前葵盛東邨慘案死咗個保安同鄰居既案發地點。葵盛邨既景其實都唔錯，雖然望唔到海，但至少望到華景山莊。

出到葵盛圍落樓梯就落到大窩口，大窩口邨無咩特別，好似藍田咁。响嗰度上返葵涌邨，就係傳說中既葵涌廣場，但係講多人應該都唔夠和宜合道北葵涌嗰邊多人。

沿住大窩口道同公園就去到葵興站。反而第一次上葵興站個頂，原來有個停車場同一個政府經營既商場，好有趣。