今日個天好靚！
响 IFC Mall 影。
今日去港大聽 talk，响交易廣場坐巴士。去之前响個 Mall 上面行咗幾行，個天好藍，忍唔住攞相機出來影。
Apple Store 我仲未去過，但睇見就唔想去，成班人响度好似見到靚女咁好＿毒 +o(
去港大…啲樓同課室好殘，一條扶手電梯都無，好攞命…响個咩 Simon K Y Lee Hall 嗰度好好多，但係感覺上好似商場，同 City 一樣 = = 同埋個黃克競樓好恐怖，陰陰森森，無錢買燈咩 =_= 成棟樓好似南固台咁 sosad 同埋間大家樂又唔係話好平啫，反而 Starbucks 就平
講少少題外話先，有個 friend 上來 hall，買咗橙，叫佢幫我放入雪櫃。過咗兩日（即今日）想食，點知個橙响冰格出現 =_= 攞埋菜刀黎切切得好辛苦先切到一忽…但係完全唔好食…而家個橙响我面前，唔知好唔好丟咗佢好 sosad 另一個解凍緊
EA 又出新模擬市民 3 既資料片，叫華麗舞台。個名就好華麗喇，隻 game 簡直係慘不忍睹。當時出夢想起飛已經覺得好爛，花樣年華更爛，而家？夢想起飛其實都唔錯…
睇返小弟既網站 I-Circle 模擬市民網，真係新既野我比到你既係得 3 樣，three，三，trois，三樣，得咁多。加條香蕉整條海星嗰啲我當然唔計啦。咁就收你 $240，Kate Perry 究極搵笨版 $340，仲要網絡下載，睬你都有味…
表演。
講講先，表演者其實同夢想起飛個專業無咩分別，間唔中去下唔同既場地表演下魔術、唱歌同埋雜技，可以佈置下舞台咁樣…
然之後呢你就可以用 SimPort 派你個模擬市民出去外國演出，如果有朋友肯「接收」你個模擬市民，咁呢個巡迴演出當完成咗…然之後草齊晒「魔術九級去邊個場地表演」「初級雜技去某某場地表演」等 90 個圖章就有新物件…
然之後加個神燈比個燈神你許下願，再比你釋放個燈神加入模擬市民個家庭
無花無假，華麗舞台就係咁多。
我仲要講下，個 SimPort 成日派唔到模擬市民出去演出，又話唔知呢度問題嗰度問題，總之係技術問題，換言之我啲模擬市民出晒去但係永遠都唔會有錢同經驗收。
EA Games 呀 EA Games，你之前花樣年華開始加價一加就 $60，$180 > $240，加完價唔該你比返啲似樣既資料片我啦。我唔洗好似世界歷險記咁好玩，夜店人生我都收貨架啦。資料又無，SimPort 又多問題，你叫我對住精靈個肥女人玩足成個禮拜？
對 EA 非常失望
千祈唔好買 Showtime，唔洗 Serial Number 都可以玩到 SimPort。小弟支持正版，但 Showtime 同 Generations 呢兩隻實在爛到無人有
星光海岸呢個鎮都幾爛…
呢排忙到甩碌，兩份 part-time 加一份 freelance。五科又好多 test 同功課，hall 塊白板啲 deadline 勁多，但係算啦。
之前我報咗 2012-13 年去 exchange，1) University of Illinois @ Urbana-Champaign & 2) State University of New York @ Stony Brooks. 第一個係 College Level，而第二個係 Institutional Level。
Institutional level 唔知 interview 要响 AIMS 睇所以無去到 Interview = = College Level 呢間 U 之前成日傳好熱門，因為好有信心 OK 所以有報。最後星期一 interview，introduction 由我想像兩分鐘變咗一分鐘，入面十個人爭五個位，topic 都係大路野（2011 最重要既新聞）。最後今日收到 offer 去 Unversity of Illinois @ Urbana-Champaign
如無大意外的話，我 2012-13 年會去咗美國伊利諾伊州讀 UIUC 大學。好期待 
好好彩地一個禮拜內收到一個兼職 Offer，又接到一份新 freelance，好開心
但係 Year 1 Semester B 啲嘢都已經唔太開始handle 到…希望挨得過去啦。
本來想開題叫彩雲山上（二），點知原來嗰輯相淨係 upload 咗去 Facebook 而無 up 來呢度，所以叫返彩雲山上…
上次黎呢度係中六升中七嗰個暑假，即係大約年半前。嗰陣時彩雲山上面仲起緊，路仲全部係貨車，爛路，無升降機、無公共交通，無人。隔咗個半年再返來呢度……
再沿住九龍灣站行去彩盈邨既行人天橋行。天橋無大分別，人流就多咗好多。當然啦，彩盈邨上面既彩福邨同彩德邨已經落成咗。
往彩盈邨既行人天橋。
過咗彩盈邨彩霞道，之前起緊既升降機塔已經落成啟用。唔洗好似上次咁樣行彩霞路＋唔知咩連接路上到彩榮路，一上升降機塔就直達彩福邨。
升降機塔。
彩福邨。
彩德邨就係响隔離。
彩德邨。
上到黎呢個公園其實我年半前都黎過，借廁所用…而家個廁所都應該啟用咗。
再沿上次條路徑－彩榮路行去彩榮路公園…上次係入咗彩榮路公園再沿渠務署通道落彩霞邨…嗰次係啲工人比我經嗰條路落。
彩榮路。
彩榮路。
到咗彩榮路公園。之前新聞咪有話咩岩石公園，呢個應該係其中一個喇，雖然流流地…公園有三層，最低層就係去我講嗰個渠務署通道，無嘢的，得泊車位；二同三層就係公園，要搭ＬＩＦＴ或行樓梯上去。雖然高但無咩景睇。
彩榮路公園。
彩榮路公園。
彩榮路公園。
彩榮路公園第一層。
彩榮路公園。
彩榮路公園。
上到去最高嗰層，有條路仔入咩「花圃」，但係行咗入去一陣都唔知咩來，見到條長命樓梯我都係調頭算數…嗰度寫住條路叫咩「觀音徑」，同條路好似一直落落到我之前所講既渠務署通道落去彩霞邨。求去過既人指點迷津。
彩榮路公園「花圃」
彩榮路公園「花圃」
彩榮路公園「花圃」
彩榮路公園「花圃」
自彩榮路公園拍攝，「花圃」條長樓梯上到去既地方
落返公園同落埋彩福邨，發覺彩福邨下低都有個公園。年半前因為淨係行彩榮路完全發現唔到呢個公園既存在。呢個公園其實都幾難行，尤其見到啲媽媽推住個ＢＢ車不斷响度轉圈、轉圈ＡＮＤ轉圈。
彩福邨公園。
然之後過咗彩德邨，入咗去嗰個觀塘綫望到上去既奇奇怪怪既商場…無咩舖頭，只有連鎖店…彩德邨又係有兩層，近彩福既係高層，近彩雲既係低層，要經商場搭 LIFT 落去
落到去就見到呢條隧道…呢條隧道年半前都已經有人行，應該係 for 彩雲去九龍灣既人，因為條路好直接…而家當然多好多人行啦
彩德邨隧道。
彩德邨隧道。
無落到隧道，沿住彩興里，黎到古舊既彩雲邨。
新清水灣道。
彩雲商場。
清水灣道。
清水灣道。
新清水灣道。
慢慢行到彩虹站