Swiftzer Lab 所製作的隨機圖片程式 2.0 已經發佈，請移玉步至 Swiftzer Lab 的下載頁下載。
本程式及本文件所有內容均使用共享創意署名－非商業性 3.0 香港授權條款發佈。
隨機圖片程式 2.0 已經發佈
回覆
分類彙整：Swiftzer
會考展望
Swiftzer Countdown 的介面。
呢幾日算考完會考架啦，淨返既科都唔洗溫。我估今次會考最低限度都有 17 分，用最樂觀既睇法計就有 25 分。我既目標當然唔係返原校咁簡單，至少都要入到嗰幾間高等學府啦。
我呢排就開始做緊會考後既計劃既野。我開始做緊既，有 I-Circle GTA 網同 Swiftzer Exam & ALAS! 2010。
個 GTA 網唔想多講。
而呢個 Swiftzr Exam & ALAS! 2010，其實只係一個 Drupal 既模組，依附喺 Swiftzer 既 Drupal 入面。而我今次呢個 Swiftzer Exam & ALAS! 2010 會設計到完全係 soft-coded，搞到除咗 CE 同埋 AL 外，都可以加入其他地方既考試，包括 IGCSE 等等。
不過，我對呢個 module 有啲擔心。好重要既係，Drupal 7 已經開發緊，而 7 既特點係用真 OOP（即係 private public 等等，唔係 PHP 4 假 OOP）。基本要求，PHP 5 囉。係，廁所網存有比個方法我地去改做 PHP5，不過無得用 php_flag，register_globals 同 magic_quotes 閂唔到。裝過 Drupal 既人都知，呢兩樣邪惡既野一存在就用唔到 Drupal，所以搞到 IC 用唔到 Drupal 7 囉。嗱，問題黎啦，當廁所網存完全淘汰晒 PHP 4，咁就迫住升級 Drupal 7，咁呢個 module 咪要重寫！？等 Drupal 7 推出？不過，第時出 Drupal 8 嗰陣又係要再重寫？我唔知點呀，當然就唔想重寫啦，一日到黑對住啲代碼咪話過癮。
Swiftzer Exam 2009 PHP 部份完成
今日用咗大約四個鐘時間整好晒 Swiftzer Exam 2009 PHP 部份，真開心…唔知點解今日寫 PHP 無尋日咁煩燥…寫都寫快啲，同埋都寫得準確啲，無 debug 好多次…
不過，今日都整咗唔算多野，得兩樣：自訂時間（即係實習試同埋會話要設定時間）同埋喺 Flash 到咁科目彈出黎既描述頁。不過，整體都未整好，因為 Flash 嗰部份仲趕緊工。而我都要開始著手於 Swiftzer Alas! 2009 同埋 Exam 其他即將推出既功能，希望早啲推出，咁考生可以早啲用，開學又可以專心少少。Swiftzer Alas! 2009 既編程比 Swiftzer Exam 比較易，因為我設計 Exam 嗰陣已經預計埋 Alas!，所以呢，Swiftzer Exam 既 module 照 copy，search & replace "exam" 去 "alas"，改下啲用字又搞掂。不過 Swiftzer Alas! 另一個難題係課程資料、試場同埋時間範圍，要 check 啲人係咪玩野入凌晨四點考試…Swiftzer Exam 都唔係完全搞掂嫁，準考證又未派，入試場編號同埋時間啲功能又要等一輪先可以推出…
Swiftzer Exam 既介紹頁更新咗喇，好好多呢，睇下啦，希望今年 CE 2009 既考生可以使用 Swiftzer Exam 2009，可以比大家一個驚喜！
早知就早啲搞 Swiftzer Exam，咁我剩返既時間就可以預備下會考，真係好緊要…
Swiftzer Exam 2009
Swiftzer Exam 2009 PHP 方面我都差唔多寫完喇，預計聽日都可以完成 PHP 部份。至於 Flash 嗰部份我真係乜都唔知，所以唔知進度點樣。不過，希望可以喺開學之前推出，咁樣開學之後可以專心讀書。
感想，無咩既，始終都係鐘意獨立於其他程式寫野，自由度大。今次係喺 Drupal 到寫 module，我唔鐘意佢嗰種 procedural programming…我完全無跟到佢啲 coding standard，用晒 Discuz! 啲方法寫，諗乜寫乜，完全唔可以叫 object-oriented 既 module，所以有啲部份寫寫下都要重寫。不過都至少好過上次嗰啲編程，得閒的話改返做 Drupal 標準都唔遲。
又要寫我最憎寫既 form check，一個好用既 form check 係好難寫，唔似得 Discuz! 咁樣 check 到，顯示句 message 就算鬼數。今次又要 check 撞科、試場、實習同埋 Oral 時間範圍等等都幾煩下，不過總算有耐性寫好。
anyway，今次 Swiftzer Exam 2009 好過一定好過 2008 好多。今次 2009 版會多好多有用既功能同埋增加易用性，不過推出嗰陣陣係會有基本功能，慢慢跟時間推出，詳情睇返介紹頁。總之，今次 Swiftzer Exam 2009 會比大家一個新驚喜啦！
隨機圖片程式 II
尋日隨機圖片程式開放下載，雖然 AL8 Forum 既回應數量不如預期，不過增加既流量都唔少。
我之前喺行政管理到問過 alan888 可唔可以唔上傳去 AL8 Forum，佢話無唔會同我計…所以我就迫啲人去 Swiftzer Lab 到註冊下載個 PDF 再開附件。皆因如此，Swiftzer 既流量上升…突破到 69 人大關…其中好多瀏覽者都係上隨機圖片程式嗰頁
希望今次可以帶動其他子網站流量既增長…
今次係得 Swiftzer Lab 既流量慢慢升，其他網站既流量都係忽然間大升又大跌…
希望越黎越多人啦…