今日考完試第一日「派卷日」…「派卷日」第一日就已經派晒全部卷，只係比對卷咁解。
第一堂世史。世史今次啲成績都唔錯，比上次考試高好多…可能因為轉咗用中文關係啦。始終係母語可以暢所欲言，而唔係講野就住就住。計過應該有條 C。
第二堂數統，比上次考試差好多，排名亦都由第二跌到第七，由 A 變 C。不過，算係咁，因為我考數統嗰日都係集中火力溫世史，個分尚算對得住自己。
第三堂中化。中化閱讀理解最高分，文字題又係滿分，不過四式判斷累我失咗好多分。有啲題目正確同埋無從判斷，有時都唔知揀邊個好。其次就聆聽，又係接近滿分。實用文亂吹搞到都唔係好高，不過都尚可接受。反而係份文化卷，首先又答錯方向，有無乜料吹，最後肥佬收場（唯一一份肥咗既卷）。整體黎講，除咗文化，都算滿意。遲啲我會補文化，希望幫到忙。
第四堂 UE。講咗 Oral 先，Oral 唔係幾滿意，不過嗰個老師出名嚴就算啦，都算高名次…Reading 今次篇文真係難…所以 Summary Cloze 完全唔識做咁滯。反而 Matching 同埋 Proofreading 差唔多全對，所以執返好多分，個分都叫對得起自己。作文都作得唔錯。聆聽又係依舊…
第五、六堂 ECON，考得比上次好咗好多，不過都係唔夠好。我要努力爆，唔可以咁低分。呢科野 hea 讀都有咁既分，我唔信我努力讀會拎唔到高分。
今次總體成績唔係好滿意，升大學未算穩陣。下次一定要努力。各位同學、朋友，共勉之！
英文 Profreading。
) 有時正確 + 無從判斷，有時錯誤同無從判斷，mix 埋都唔知揀邊個好…
