大計

Posted on 04/04/2010 由 bananasims

朝早沖完個涼諗到啲大計，所以比我對住部電腦噴下口水先…

I-Circle 個大計已經講咗兩年，就係將網站同個討論區既介面結合。不過嗰陣時，Drupal 7 都出緊 beta（出咗兩年啦），所以拖拖拖…而家就真係就快出，所以工就要快啲開。我係諗住搵 Puff 搞，因為我唔係好想再掂 Drupal 同 phpBB。除咗將個介面結合之外，仲會閂咁啲無用既子網站。討論區同網站而家分野得太晒利，有啲網站極少人上，有啲就好多人上，不過又引唔到人去討論區，反之亦然。

而我既 Bananasims Workshop 好少出下啲心得，不過我諗我都唔會出，頂龍都係出下啲繪圖作品。呢個 blog 用咁耐都係用人地整既 theme，所以我都諗過要自己整，就係用返同簽名檔一樣既設計，或者用自己出街影既相做 header。

不過我仲未有好多構思…

同埋簽名檔又要加返啲圖，太耐無加圖 :$

話時話，http://bananasims.net 五月就到期，我將個 domain host 咗去 GoDaddy，有無網存公司會肯幫我管理個 domain？有的話 I-Circle 下間網存公司或者係佢 :$

以上大計都係頭先沖涼諗到，最快實行都係一年後考完 A-Level 先算。

Safari 元件

Posted on 02/10/2009 由 bananasims

今日繼續搞下個網誌系統。有人問我交咗貨未，其實交咗貨，只係再收多啲錢再同佢整好啲咁解 :$（其實算重寫）。

今日除咗搞搞個導覽列啲瀏覽器相容問題（其實啲箭咀圖係亂畫一通，求其整剪裁遮色片就算），就搞搞個搜尋框。點解？開頭想同個搜尋框個 outline（即係 Safari 嗰條藍色邊）整圓角，搵搵下就搵到原來有 Safari 元件玩。

開頭以為淨係用 -webkit-appearance 既 CSS 砌，又 searchfield 又 searchfield-decoration 又 searchfield-cancel-button。砌咗好耐，不過唔知點解 set 咗做 searchfield 嗰個 input set 唔到 padding，最後搵下搵下原來淨係 HTML 就搞掂：<input type="search" results="0" ... />。如果 results 屬性大過 0 的話甚至可以睇返先前既搜尋記錄，不過要 JS 配合。要整搜尋框既人記住唔好用 CSS 砌呀！另外，原來仲有個 placeholder 屬性，無 focus / 字嗰陣會顯示 placeholder 既字，即係下低張圖右上方「搜尋」兩隻字。只係 Safari 適用。

唔知呢張圖當唔當 Project 365，不過我今日做既野除咗溫書就係呢樣野 :$

比幾個網大家參考。本來搵到個網係話儲存搜尋記錄，不過搵唔返。遲啲再研究下其他 Safari 元件再同大家分享下。

新導覽列

Posted on 01/10/2009 由 bananasims

個 navigation bar 整咗一個鐘，全部 CSS，IE6 都睇到。

今次學咗 z-index 點用。原來 z-index 一定要配個 position: relative。

設定佈景主題功能

Posted on 21/08/2009 由 bananasims

呢個係我成個暑假做緊既多用戶網誌系統既 freelance 工作。個 theme 咁核突既？其實呢個係我今日完成既佈景主題既配色功能。個系統我設計到只係用一個 template，為免個個網誌都係用同一種配色，我要整個 panel 出黎比人換色換圖，用 CSS 改色，唔係就會非常單調。

講下個 panel 先，呢度係編輯佈景主題既介面。當然除咗呢堆野，仲有好多野可以 set 啦。最上面既「系統佈景主題」係會用返系統既預設風格覆蓋晒所有設定。而簡單講下其他設定，呢啲設定主要分為：字型、顔色、邊框、背景。

字型就得一個設定。為咗保持字型喺部部電腦都睇得到，我喺呢度偷咗並且設定咗一個字型列表。使用者係唔可以自訂字型的。

顔色就用 Color Picker。Color Picker 係一個 jQuery 既 plugin，既易裝又易用，不過隔離個框麻煩少少啦，要搵好多位寫 .change(function() { … });。

至於邊框。邊框本來淨係諗住比人改色，後尾諗諗下諗起有啲人係唔鐘意啲圖有個框框住，所以我又要整個邊框樣式，順便比人 set 個闊度。邊框樣式其實好多種我都未用過，都係喺 W3Schools 到偷返黎。

背景又係必需品黎。背景當然可以 set 色或者圖片。我就好記得 hamu278 講過 Twitter 因為無得 set repeat 搞到唔整，而令我決定一定要整呢個 background-repeat。整 background-repeat 喺 W3Schools 見有 background-attachment 呢樣野所以順便整埋。不過 background-position 實在太難整得易用，所以最後無整。

大家睇下呢啲相

九月之前應該都可以面世。記住幫手試下。

Bananasims Workshop 開放

Posted on 10/05/2009 由 bananasims

Bananasims Workshop 開幕啦，網址係 http://bananasims.wordpress.com/。今次呢個工作室用 WordPress.com。本來我係喺 bananasims.i-circle.net 架咗個 blog，後尾都係覺得根本無需要整到咁大，所以都係用返 wordpress.com，唔會霸到 I-Circle 既空間同埋資料庫。

呢個 Bananasims Workshop 會分享一下一啲網頁製作既心得，以及搵下 freelance job。尋日就搵到份整多用戶網誌系統，都幾可觀。反正而家差唔多考晒 CE，可以得閒搞佢個多用戶網誌系統。

另外，搞個預告先。Swiftzer Lab 既隨機圖片程式 2.0 就快發佈，加咗一個重定向功能同埋圖片描述頁功能。如果想扮我喺各大討論區既簽名檔，或者喺討論區到整個廣告版，亦都可以用呢個程式。hamu278 已經先試用隨機圖片程式 2.0，大家可以玩下。呢個野聽日就會發佈，想要既話聽日留意下 I-Circle Forum 同埋 Swiftzer Lab 啦。呀，仲有 Bananasims Workshop。