[虛構] 1933 年希特拉掌政，並且推行柏林建設計劃，其中有西北面既國際機場。柏林都會交通管理局於是大興土木，推行兩個預備計劃。其一，將兩條路線合併，為未來嘅大柏林環迴線做準備；其二，兩條內城線開鑿連接軌道，直通運行，令新機場可以直接一程到舊機場。

新既機場線（打橫）、柏林環迴線（左）及大柏林環迴線（右）。

Unter der Linden 新站。

呢度既軌道都做好準備，連接新機場。

我咁耐以黎都係玩維也納，開咗間叫 MetroRail Vienna 既公叵，已經由 1920 年玩到 1993 年，而家開始覺得有啲悶，開始轉城市，玩咗三個－阿姆斯特丹、赫爾辛基同埋柏林。

我第一個開始玩既係阿姆斯特丹。阿姆斯特丹 (Amsterdam) 係荷蘭既首都，响 Cities in Motion 既地圖基本上只有南北狹窄既街道，並且有大量既水渠。呢個城市玩咗四五次，都係心灰意冷收場，因為呢個城塞車問題太嚴重，而且設計出奇地差。

玩咗接近五六次，阿姆斯特丹既塞車問題係因為佢四方形兼且狹窄既街道，樽頸係地圖中間既皇宮 (Koninklijk Paleis) 同埋 De Dam 廣場 (de Dam) 南面既街道。因為呢條街疏散唔切啲車，所以塞車非常嚴重，而且會漫廷到市外。你試下開個阿姆斯特丹地圖乜都唔起，過咗一年，睇下北面既高速公路會點。

二來，阿姆斯特丹既設計遠比維也納為差。維也納好多地方都有位比巴士調頭（除咗北部教堂），而阿姆斯特丹係無位既。例如南面低密度住宅區既住宅係沿住條路興建，如果想起地鐵站响教堂，再用巴士接駁，實在痴心妄想。仲有西北面火車站亦都係，嗰個位係無得調頭的，你要調頭就要出去市中心，而嗰條雙線公路亦都有嚴重塞車。

我而家玩到 1940 年，地鐵網絡發展到小鎮上面，基本上只有用地鐵 + 渡輪 + 直升機先得…佢啲塞車問題唔似維也納同柏林咁輕易解決，如果有人解決到講聲

阿姆斯特丹 De Dam 廣場與皇宮。左邊條路就係塞車罪魁禍首。

火車站無調頭路。

無調頭路。

無調頭路。

因為玩阿姆斯特丹玩到無癮，所以第二個就係玩赫爾辛基。赫爾辛基 (Helsinki) 係芬蘭既首都，响 Cities in Motion 中係一個半島，仲有非常多既外島。呢個城市玩咗一次，都係塞車問題太嚴重，所以無咩癮玩，起親電車都出事。

佢塞車問題比阿姆斯特丹好少少。赫爾辛基塞車問題係一個圈咁塞。芬蘭國會、赫爾辛基前面既大街，塞到去中間火車站北面既一條小路同橋，然之後塞車問題不斷向郊區擴散，尤其係東部塊農田，幾虛冧。

我而家玩到 1951 年，基本上又係狂借錢起地鐵，有咁方便就幾咁方便，希望少啲人渣車。同埋，市中心有條大街中間有綠色既分隔線，加上好多廣場，好好運用呢啲地方起電車，咁樣就可以減少塞車既影響。

赫爾辛基特快電車線。

赫爾辛基國會前方嚴重塞車。

赫爾辛基塞車罪魁禍首。

第三個城市就係柏林。柏林 (Berlin) 係德國既首都。响 Cities in Motion 係最大既城市，設計質素比維也納差唔多，好多調頭位等等。值得留意係柏林係無柏林圍牆（位置係 Ebertstraße，即勃蘭登堡門西面既南北大道），不過火車站有拆到。呢個問題有好多玩家報告有嚴重塞車問題，不過同維也納一樣，玩得好順暢。

不過，而家我淨係玩到 1929 年，唔多評論啦。

柏林。

I-Circle Forum 開咗個 Cities in Motion 區，遲啲會開始試整香港。

暫時下載咗 Cities in Motion 正式版，過幾日再買。

呢隻遊戲最過癮係個城市萬七人就真係有萬七人，睇住每一個人坐車返工、返學，去購物中心，好過癮。有啲人話巴士載得太少人，其實係特登。真實城市同遊戲城市個人口係有唔同，所以巴士、地鐵個人口都會跟住除返，個數好似係 5，所以 27 人雙層巴士實質係 135。

我間公司叫 MetroRail Vienna，名正言順唔開流水線 下低有相。而家玩到 1950 年，啱啱納粹統治完畢。

P.S. 柏林係無柏林圍牆的。