標籤彙整：PHP

四月尾

Posted on 由
回覆

就黎考試啦，都無咩玩，日日都係溫書。

我啲考試時間表好密，2、3、4 號，仲要係最難嗰三科。其中科數都唔知嗡緊乜。

最近點？又係屈响狗籠塘…

最近 apply 咗兩份 summer intern，一份响香港一份响上海。但係都唔預太大希望，哈哈，始終我都仲係 Year 1，但諗住搏一搏。

最近就做下 freelance 同返 CityU 嗰份 OCIO OSS。

OCIO 最重手嗰樣野就快開工喇，好緊張。始終機密野唔太講得，出咗先講啦 :D 學咗寫 Python 囉，幾特別既一個 language，如果有機會我都想有個 server 用 Python 出網頁，勁快。

freelance 呢就幾麻煩，本身已經比我預定時間遲開始，仲要成日整好先無啦啦要我改野。但係算啦，嗰兩位仁兄都唔想，鬼叫某大機構啲人鐘意平時改幾改。本來想加錢架，但係見係 friend 搭 friend 搵返黎都算啦。錢低過公價好多，但無所謂啦。

Summer 有咩大計，希望做得成個 intern 啦。如果無的話做返 CityU OCIO 同埋開始返籌劃咗勁耐既 In-House System。In-House System 係比自己用既系統，用黎改我既頭像、online portfolio、成日用既 link，同埋我最需要用到而無既 code snippet 系統，希望可以用到好大量既 JavaScript 同 CSS 整到好華麗既效果當訓練用途。

我應該 8 月頭就飛去 Montreal，再去紐約同 Urbana, IL。大家記得嗎，我在 UIUC exchange :D 過埋呢個禮拜考完試就開始我既大計 :D

偷閒

Posted on 由
5

其實仲有兩篇 History Essay 未寫 :P ECON 又未溫熟

不過用呢啲時間搞下 freelance…

screen capture尋日去完補 UE + 美孚買餸返黎嗰陣，喺窩打老道夾聯合道，睇住歌和老街夾窩打老道嗰啲燈忽然間熄晒 :P

我立即打電話比 1823，然之後五分鐘後就有交警出現，指揮交通。

熄咗既紅綠燈真係別有一番風味～

設定佈景主題功能

Posted on 由
2

1

呢個係我成個暑假做緊既多用戶網誌系統既 freelance 工作。個 theme 咁核突既？其實呢個係我今日完成既佈景主題既配色功能。個系統我設計到只係用一個 template，為免個個網誌都係用同一種配色，我要整個 panel 出黎比人換色換圖，用 CSS 改色，唔係就會非常單調。

2

講下個 panel 先，呢度係編輯佈景主題既介面。當然除咗呢堆野，仲有好多野可以 set 啦。最上面既「系統佈景主題」係會用返系統既預設風格覆蓋晒所有設定。而簡單講下其他設定，呢啲設定主要分為：字型、顔色、邊框、背景。

字型就得一個設定。為咗保持字型喺部部電腦都睇得到，我喺呢度偷咗並且設定咗一個字型列表。使用者係唔可以自訂字型的。

顔色就用 Color Picker。Color Picker 係一個 jQuery 既 plugin，既易裝又易用，不過隔離個框麻煩少少啦，要搵好多位寫 .change(function() { … });。

至於邊框。邊框本來淨係諗住比人改色，後尾諗諗下諗起有啲人係唔鐘意啲圖有個框框住，所以我又要整個邊框樣式，順便比人 set 個闊度。邊框樣式其實好多種我都未用過，都係喺 W3Schools 到偷返黎。

背景又係必需品黎。背景當然可以 set 色或者圖片。我就好記得 hamu278 講過 Twitter 因為無得 set repeat 搞到唔整，而令我決定一定要整呢個 background-repeat。整 background-repeat 喺 W3Schools 見有 background-attachment 呢樣野所以順便整埋。不過 background-position 實在太難整得易用，所以最後無整。

大家睇下呢啲相

九月之前應該都可以面世。記住幫手試下。